සිඟිත්තාට සුප් රෙසපි 7 ක්

අපිව් චූටි බබාගේ කෑම ගැන වඩාත් සැලකිලිමත් වෙනවනේ. ඉතින් එයාලට ගුණවත් වගේම පහසුවෙන් හදල දෙන්න පුළුවන් සුප් රෙසපි 7ක් ගැන කියන්නයි lifie අද සූදානම් වෙන්නෙ.

01. රුලං සුප්

අවශ්‍ය ද්‍රව්‍ය:-
රුලං
ලීක්ස්
කැරට්
බෝංචි
මේවාට අමතරව ඔයා ළඟ තියෙන ඕනෑම එළවළුත් යොදා ගන්න පුළුවන්.
පොල්තෙල් හෝ ඔලිව් ඔයිල්
ලුණු

• එළවළු ටික කපලා සුප් එකට අවශ්‍ය පුමාණයට වතුර දාලා කුක් වෙන්න තියන්න.
• එළවළු ටික තැම්බෙන කොට ඒකට රුලං සහ රස අනුව ලුණු දාන්න.
• පොල්තෙල් හෝ ඔලිව් ඔයිල් තේ හැඳි 1 ක් එක් කර කෑමට ‌ගන්න.

02. හැදැල්ලො සුප්

අවශ්‍ය ද්‍රව්‍ය:-
හැදැල්ලො 250g
කහ කුඩු තේ හැඳි 1/4
බටර් මේස හැඳි 2
ළූණු ගෙඩි 01
සුදුළුනු බික් 4 – 5
වතුර
ලුණු

• හැදැල්ලෝ ටික ලුණු හා කහ එක්කරලා හොඳින් තම්බගන්න.
• ඉන්පසු එහි කටු ඉවත් කර බ්ලෙන්ඩ් කර ගන්න.
• පෑන් එකකට බටර් දමා රත්වන විට එයට හීනියට කුඩාවට කපාගත් බී ළූණු හා චොප් කරගත් සුදුළුනු එකතු කරන්න.
• මේ ටිකට බ්ලෙන්ඩ් කරගත් හැදැල්ලෝ ටික පෙරා එක්කර ගන්න.
• අවශ්‍ය ආකාරයට ලුණු එකතු කරගන්න.

03. අල ක්‍රීම්, බිත්තර සුප්

අවශ්‍ය ද්‍රව්‍ය:-
ෆෙෂ් මිල්ක් කෝප්ප 1
කෝර්න් පිටි කෝප්ප ½
ඕට්ස් කෝප්ප 1
කැරට්
ලීක්ස්
ගෝවා
බේබි කෝර්න්
අල
කිරි
ලුණු
බිත්තර
බටර්
තුනපහ

• පෑන් එකක් ලිප තියල බටර් මේස හැදි 1ක් දාල රත්වෙනකොට ඒකට හීනියට කපාගත් ලූනු ගෙඩි 1ක් එකතු කරන්න.
• ඒ එක්කම අවශ්‍ය ප්‍රමාණයට වතුර එකතු කරන්න.
• ඉන්පසු හීනියට ලියාගත් ලීක්ස්, ගෝවා, කැරට්, කුඩාවට කපා ගත් බේබි කෝර්න්, තම්බලා පොඩි කරගත් අල හා තුනපහ එයට එක් කරරන්න.
• ඒකටම දියකරගත් කෝර්න් පිටි කෝප්ප ½ , ෆෙෂ් මිල්ක් කෝප්ප 1 හා ඕට්ස් කෝප්ප 1 ක් එකතු කරන්න.
• ඉන්පසු ගසාගත් බිත්තර 2ක් ටික ටික එකතු කරන්න.

04. ස්පැගටි සුප්

අවශ්‍ය ද්‍රව්‍ය:-
තම්බාගත් ස්පැගටි
තම්බාගත් අල ගෙඩි 2ක
බැදපු මාලු කෑලි 1-2
හාල් මිටක්
අමු ඉස්සන් 4-5
හීනියට කපා ගත් කැරට්, ලීක්ස්, බොන්චි, ගෝවා
කලාගත් බී ලුනු ගෙඩි බාගයක්
පරිප්පු
බටර් තේ හැන්දක්

• පෑන් එකකට හාල් ටික දාල තැම්බෙන්න හරින්න.
• ඉන්පසු මිශ්‍රණයට ඉස්සන්, හීනියට ලියා ගත් එලවලු, බැදගත් මාලු කෑල්ල, පරිප්පු මිටක්, බටර් තේ හැන්දක් මිශ්‍ර කරල ටිකක් නටවා ගන්න.
• අල තම්බා හොඳින් පොඩි කර ගන්න.
• සුප් එක තැම්බුන පසු ක්‍රිම් කර ගත් අල ටික සුප් එකට එකතු කරගන්න.
• එයටම තම්බා ගත් ස්පැගටි දාන්න.

05. ක්‍රීම් චිකන් සුප්

අවශ්‍ය ද්‍රව්‍ය:-
ෆ්රෙෂ් මිල්ක්
පාන් පිටි
බටර්
කුකුල් මස්
මස් ස්ටොක්
කැරට්
ගෝවා
අල
එළවළු ස්ටොක්

• පෑන් එකකට කුකුල් මස්ටික දාල හොඳින් තම්බා ගෙන කටු ඉවත්කර ගන්න. එය හීනියට කඩා ගන්න.
• මස් ස්⁣ටොක් එක වෙනම බෝල් එකකට දා ගන්න.
• එළවළු ටික තම්බා ගන්න.
• එළවළු ස්ටොක් එක වෙනම බෝල් එකකට දා ගන්න.
• පෑන් එකකට බටර් එක්කර රත් කර ගන්න.
• බටර් දිය වු පසු එයට පාන් පිටි එකතු කරගන්න.
• මිශ්‍රණය රත් වු පසු ඒක⁣ට ෆ්රෙෂ් මිල්ක් එක් කරන්න.
• දැන් එයට මස් තැම්බූ වතුර හා තම්බා ගත් මස් කැබලි එක් කරන්න.
• ඉන්පසුව තැම්බූ එළවළු හා තැම්බූ වතුර එකතු කර ගන්න.

06. අල සුප්

අවශ්‍ය ද්‍රව්‍ය:-
අල
ෆ්‍රෙශ් මිල්ක්
බටර්
චිකන් මස් ස්ටොක
ලුණු

• අල හීනියට, පොඩියට කපාගන්න.
• පෑන් එකක් ලිපේ තියලා බටර් දාල රත්වෙනකොට අල එකතු කර බැදෙන්නට දෙන්න.
• බැඳුණු පසු එයට මස් ස්ටොක් හා වතුර එකතු කරන්න.
• සුප් එක හොඳින් තම්බා ගන්න.
• ඒකටම ෆ්‍රෙශ් මිල්ක් එකතු කරන්න.

07. බැදපු පරිප්පු සුප්

අවශ්‍ය ද්‍රව්‍ය:-
පරිප්පු කෝප්ප 1 ක් (බැදගත්)
කැරට් අල 1
අල ගෙඩි 1
චොප්කරගත් සුදුළූණු ගෙඩි 1ක්
තක්කාලි පොඩි ගෙඩි 1ක්
බොංචි කරල් 1 ක්
ලීක්ස ටිකක්
ළූණු ගෙඩි 1ක්
පොල්තෙල්
තලපත් පොඩි මාලු කෑල්ලක්
හාල් පිටි මේස හැඳි 1ක්
පොල්තෙල් මෙස හැඳි 1 ක්

• සියළුම එළවළු හීනියට පොඩියට කපා ගන්න.තක්කාලි ගෙඩියත් කපා ගන්න.
• පෑන් එකකට තෙල් දාල රත්වෙනකොට ළූණු සුදු ළූණු බැදෙන්න අරින්න.
• එයටම මාලු, පරිප්පු, එළවලු එක් කරන්න.
• තැම්බෙන්න අවශ්‍ය ප්‍රමාණයට වතුර එක්කර තැම්බෙන්න දෙන්න.
• හොඳින් තැම්බුන පසු ඒකට හාල් පිටි මේස හැන්ද එක් කර ගන්න.
• රස අනුව ලුණු එකතු කරන්න.