ඩයනා කුමරිය කියන්නේ දුටු පමණින් කාගෙත් සිත් වසඟ කරන දයාබර පෙණුමක් හිමි කුමරියක්. ඇය ඇන්ද පැළන්ද ඇඳුම් පැළඳුම් ලොව ඉතාමත් ප්රචලිතයි. ඒවා වරෙක ඉතා ඉහල මිල ගනන් වලට වෙන්දීසි කළා. නමුත් ඇයගේ ආභරණ ඇයගේ ඉල්ලීමට අනුව ඇයගේ පුතුන් දෙදෙනාට හිමි විය යුතු බව ඇය විශේෂ ලිපියකින් දන්වා තිබුණා. මේ ඒ ඇය විසින් දායාද කල ආභරණ වලින් කීපයක්..
“I would like you to allocate all my jewelry to the share to be held by my sons, so that their wives may, in due course, have it or use it.” – Princess Diana
01. කේට්ගේ විවාහ ගිවිසගැනීමේ මුද්ද
විලියම් කුමාරයා කේට් මිඩ්ල්ටන්ට එන්ගෙජ්මන්ට් මුද්ද ලෙස පැළඳුවේ ඩයනා කුමරිය පැළඳූ මුදුවක්. එය ඩයනා කුමරිය විසින්ම Garrard’s catalog එකෙන් තෝරා ගත් මුදුවක්. මේ ලස්සන මුද්ද දියමන්ති 12කින් වටවුණු කැරට්-12 නිල් සෆායා මැණිකකින් හැඩවෙලා තියෙනවා.
02. සමනල කරාඹු යුගල
මේ චාම් කරාඹු යුගල අවසන් වරට ඩයනා කුමරිය විසින් පැළඳුවේ 1986දී. මේගන් මාකල් විසින් මෙය 2018දී පැළඳ සිටිනු ඡායාරූප වල දකින්න පුලුවන්.
03. මුතු කරාඹු යුගල
2019 බ්රිතාන්ය ඇකැඩමි උළෙලට කේට් ආදිපාදවරිය මෙය පැළඳ සිටිනු දකින්න ලැබුනා. මේ කරාඹු යුගල ඩයනා කුමරිය විසින් පළඳිනු ලැබුවේ 1995දී බ්රිඩ්ජ්වෝටර් නිවසේ පැවති ගාලා උත්සවයකදී යි.
04. ඇක්වාමරීන් මුද්ද
මේ මුදුව ඩයනා කුමරියගේ ආභරණ එකතුවේ සුවිශේෂ ආභරණයක්. ඇය මේ මුදුව 1996දී ඔස්ට්රේලියාවේ සිඩ්නි නුවර කළ සංචාරයකදී පළඳිනු ලැබුවා. මේ මුදුව හැරී කුමරු ඔවුන්ගේ මංගල දිනයේ මංගල තිලිනයක් ලෙස මේගන් ට පිරිනැමූ බවයි පැවසෙන්නේ.
05. මුතු බ්රෙස්ලට් එක
මේ බ්රේස්ලට් එක ඩයනා කුමරිය නිතර පැළඳූ බව දකින්න පුලුවන්. කේට් ආදිපාදවරිය මේ මුතු ආභරණය ජර්මනියේ සංචාරයකදී පළඳිනු ලැබුවා.
06. නිල් ගල් ඇල්ලූ රන් බ්රේස්ලට් එක
ඩයනා කුමරියට හැරී කුමරු බිහිවූ පසු ඇය විසින් පැළඳූ මේ බ්රේස්ලට් එක මේගන් පැළඳ සිටිනු දකින්න පුලුවන්.
Leave a Reply