ලෝක ප්‍රකට දියමන්ති ගැන අපූරු විස්ත​ර – 2 කොට​ස

 

මීට අවුරුද්දකට විතර කලින් ලෝකයේ ප්රකට දියමන්ති ගැන අපි ඔබ වෙත විස්තර ගෙන ආවා ඔබට මතක ඇති. සඳහා ඔබගෙන් ඉහළ ප්රතිචාර ලැබිල තිබුණා.

 

ලෝක ප්‍රකට දියමන්ති ගැන අපූරු විස්තර දැනගන්න

 

කාර්යබහුල වීම නිසා එම ලිපි මාලාවේ දෙවෙනි කොටස ඔබ වෙතට ගෙන එන්න අපිට බැරි වුණා. ගැන සමාව ඉල්ලන ගමන් අපි තවත් දියමන්ති කීපයක් පිළිබඳව විස්තර අද ඔබ වෙත ගෙන එනවා.

 

1. බ්ලු මූන් දියමන්තිය (Blue Moon Diamond)

වර්තමානයේ දී  හොංකොංහි බිලියනපතියෙකු වන ජෝශෆ් ලවුගේ ආභරණ එකතුවට පිවිසී තිබෙන මෙම දියමන්තිය සොයාගෙන ඇත්තේ 2014 වර්ෂයේදී. කලිනන් දියමන්ති  පත්ලෙන් හමු වී තිබෙන මෙම දියමන්තිය සොයාගැනීම ලෝකය පුරාම දැඩි ආන්දෝලනයකට ලක් වූ අතර මෙම දියමන්ති මිල වාර්තා පොත් අතරට පිවිසෙනු ඇතැයි බොහෝ දෙනා අපේක්ෂා කළා. ජෝශෆ් ලවු විසින් මෙම දියමන්තිය ඇමෙරිකානු ඩොලර් මිලියන 48.4ක මුදලක් ගෙවා මිලට ගත්තා

 

 

2. විටල්ස්බාක් දියමන්තිය (Wittelsbach Diamond) 

බොහෝ ආභරණ විශේෂඥයන් විශ්වාස කරන අන්දමට මෙම දියමන්තිය යුරෝපයේ රාජකීය මාළිගාවලට පැමිණ තිබෙන්නේ ඉන්දියාවේ සිටයි. මෙම දියමන්තියේ ඉතිහාසය පිළිබඳ  වාර්තා අසම්පූර්ණ වන අතර ඇතැමුන් පවසන ආකාරයට මුල් කාලයේදී ස්පාඤ්ඤ රජ පවුලේ උරුමයක්ව තිබී ඇති මෙම දියමන්තිය පසුව බැවේරියානු රජ පවුල අතට පත්ව තිබෙනවා. ජර්මානු විප්ලවයෙන් පසුව මෙම දියමන්තිය ධනවතුන් කිහිපදෙනකුගේ අතින් අතට  හුවමාරු වුණු බව කියවෙනවා

 

 

3. මූසෙයිෆ් රතු දියමන්තිය  (Moussaieff Red Diamond)

දෙදහ වර්ෂයේදී ඩොලර් මිලියන 8 මුදලක් ගෙවා මෙම දියමන්තිය මූසෙයිෆ් ආභරණ වෙළෙන්දන් විසින් මිලට ගන්නවා. එතෙක් මෙම දියමන්තිය හඳුන්වනු ලැබුවේ රෙඩ් ෂීල්ඩ් ලෙසයි. ලැබී තිබෙන වාර්තා වලට අනුව බ්රසීලයේ ගොවියෙකු විසින් මෙම දියමන්තිය සොයාගෙන තිබෙනවා

 

 

4. දී ඉන්කම්පැරබල් දියමන්තිය (The Incomparable Diamond)

1984 වර්ෂයේදී කොංගෝ රාජ්යයන් හමුවූ මෙම දුඹුරු පැහැති දියමන්තිය ලෝකයේ විශාලතම දුඹුරු පැහැ දියමන්තිය ලෙස සැලකෙනවා. එසේම මෙහි බර මුල් අවස්ථාවේදී කැරට් අටසිය අනූවක් වීම නිසා අද්විතීය දියමන්තිය යන නම සඳහා ලැබුණා. ඇතැම් වාර්තා වලට අනුව මෙම දියමන්තිය සොයාගෙන තිබෙන්නේ කුඩා දැරියක් සෙල්ලම් කරමින් සිටින අවස්ථාවකදියි. මෙම දියමන්තිය සඳහා ඩොලර් මිලියන 12 මුදලක් අයිතිකරුවන් විසින් අපේක්ෂා කළ නමුත් සඳහා ගැනුම්කරුවෙකු සිටියේ නැහැ. ඇතැම් දූෂමාන ආරංචි වලට අනුව මෙම දියමන්තිය ඩොලර් මිලියන 15 මුදලකට ඊබේ අඩවියේ ප්රදර්ශනය කොට තිබෙනවා. එවරද සඳහා ගැනුම්කරුවෙකු ඉදිරිපත්ව නැහැ

 

 

5. ටිෆනි දියමන්තිය (Tiffany Diamond)

1878 වර්ෂයේ දී මෙම දියමන්තිය සොයාගන්නා විට එය සැලකුණේ ලෝකයේ එතෙක් මෙතෙක් හමුවූ විශාලතම කහ දියමන්තිය ලෙසටයි. ලෝකප්රකට ඇමරිකානු ජාතික ආභරණ විශේෂඥයෙකු වන චාල්ස් ටිෆනි විසින් මෙම දියමන්තිය මිලට ගත් අතර ඔහු විසින් එය භාවිතා කරමින් ර්ඩ්ෆ් රොක් (Bird of the rock) නම් ආභරණය නිර්මාණය කරනු ලැබුවා. මෙම ආභරණය සුප්රකට හොලිවුඩ් නිළි ඔඩ්රි හෙප්බර්න් විසින්ද චිත්රපටියක් සඳහා පැළඳුවා. ටිෆනි සමාගමේ එකසිය හැත්තෑ පස් වෙනි සංවත්සරය වෙනුවෙන් මෙම දියමන්තිය භාවිතා කරමින් නව ගෙල පළඳනාවක් සකස් කිරීමට එහි පාලනාධිකාරිය කටයුතු කළා

 

 

6. ඩ්රෙස්ඩන් දියමන්තිය (Dresden Diamond)

මෙම  දියමන්තියේ ඉතිහාසය සියවස් දෙකක් පමණ ඈතට දිව යන අතර පෝලන්ත රජ කෙනෙකු විසින් ඕලන්ද ජාතික ස්වර්ණාභරණ ශිල්පියෙකුගෙන් මෙම දියමන්තිය මිලට ගත් බවට වාර්තා පවතිනවා. පසුව මෙම දියමන්තියේ උරුමය කිහිප දෙනෙකු අතරට ගොස් අවසානයේදී  ජර්මානු රාජ්යයක් වන සැක්සනියේ රජ පවුල සතු වුණා. දෙවැනි ලෝක යුද සමයේදී මෙම දියමන්තිය  මොස්කව් වෙත ගෙන ගිය නමුත් නැවතත් එය සැක්සනිය වෙත භාර දෙනු ලැබුවා

 

 

7. ඕල්නාට් දියමන්තිය (Allnatt Diamond) 

මෙම දියමන්තිය හමුවී ඇති ප්රදේශය පිළිබඳව  එකිනෙකට පරස්පර වාර්තා තිබෙන නමුත් බොහෝ දියමන්ති පිළිබඳ විශේෂඥයන් අනුමාන කරන්නේ දකුණු අප්රිකාවෙන් මෙම දියමන්තිය හමු වී ඇති බවයි. 1950 වර්ෂයේ දී පමණ ඇල්ෆ්රඩ් අර්නස් ඕල්නාට් (Alfred Ernest Allnatt) මෙම දියමන්තිය මිලට ගෙන මලක හැඩය ගත් ආභරණයක් ලෙස සකස් කරනු ලැබුවා. ඉන්පසුව කෙටි කලක් මෙම දියමන්තිය ස්මිත්සෝනියන් ආයතනයේ පැවැති දියමන්ති ප්රදර්ශනය සඳහාද ලබා දීමට කටයුතු කෙරුණා. වර්තමානයේ දී මෙම දියමන්තිය පෞද්ගලික ආයතනයක භාරයේ පවතිනවා

 

 එහෙමනම් ඉතින් වෙනදා වගේම මේ ලිපිය ගැන ඔබේ අදහස් පළ කරන ගමන් ෂෙයාර් කරන්න අමතක කරන්න එපා.

 

Leave a Reply

Your email address will not be published.