ගූග්ල් කියන්නේ සේවාවන් පටන් ගන්න වගේම එකපාර අවසන් කරන්නත් ජනප්‍රිය ආයතනයක්. ගූග්ල් හැන්ග් අවුට් ගූග්ල් ප්ලස් ඒ විදිහට අවසාන වුණ ව්‍යාපෘති. දැන් ගූග්ල් පොටෝස් වලටත් සීමාකිරීම්, අයකිරීම් ඇවිල්ලා. 2015 දි තමයි ගූග්ල් පොටෝ හඳුන්වා දුන්නේ. ඒ හරහා ෆෝන් එකෙන් සහ වෙනත් ඩිවයිස් වලින් කෙලින්ම පොටෝ අප්ලෝඩ් කරන්න පුළුවන් උනා ගූග්ල් පොටෝස් හරහා ක්ලවුඩ් එකට.
1. මොකද වෙන්න යන්නේ?
දැන් ඇවිත් තියෙන වාර්තා අනුව 2021 ජුනි 1 වෙද්දි ගූග්ල් පොටෝස්, ගූග්ල් මේල්, ගූග්ල් ඩ්‍රයිව් ඔක්කොම වල එකතුව ගිගා බයිට් 15ක උපරිමයකට දැඩිව යටත් කරනවා. ඒ වගේම දැනට අප්ලෝඩ් කරන පොටෝ වල රෙසලූෂන් අඩු වෙලා අප්ලෝඩ් වෙන පහසුකමත් ගූග්ල් වෙතින් ඉන් පස්සේ ඉවත් වෙනවා. දැනට තියෙන විදිහට ලංකාවේ අපිට නම් ගූග්ල් ගබඩා කිරීමේ පහසුව අමතර ගිගා බයිට් සීයක් දක්වා මසකට රුපියල් තුන්සියයකට මිලදී ගන්නට පුළුවන්. ගිගා බයිට් දෙසීයක් නම් රුපියල් 475ක මිලක් වෙනවා. අන්තර්ජාතික මට්ටමේදී මේ මුල්ම ගිගාබයිට් 100 ඇක්සස් කරන්න නම් ඩොලර් 1.99ක් ගෙවන්නට වෙනවා.
2. ගූග්ල් පොටෝ සොයාගැනීමේ පහසුව
ගූග්ල් පොටෝ වලදි අනෙක් සේවාවන් හරහා ක්ලවුඩ් වලට පොටෝ අප්ලෝඩ් කරනවාට වඩා වෙනස් විශේෂ වාසි ලැබෙනවා. ගූග්ල් පොටෝස් වල අපිට ආ ගිය තැන් අනුව පොටෝ හොයාගන්න පුළුවන්. ඒ වගේම පොටෝ වල ඉන්න යාළුවන්, පවුලේ අයව අපි එක වරක් නම් කළොත්, ඉන්පස්සේ ගූග්ල් මගින් ඒ පුද්ගලයින් ඉබේම හඳුනාගන්නවා. මෑතකදී හඳුන්වාදුන් සතුන් හඳුනාගැනීමේ පහසුකම නිසා අපේ පොටෝවල සිටින බල්ලන්, පූසන් වගේ සුරතල් සතුන් ඇතුළත් පොටෝ වෙනමම ෆිල්ටර් කරගන්නත් පුළුවන්. මේ විදිහේ පොටෝ හොයාගන්නට ගූග්ල් ඩ්‍රයිව් නිසා පහසුයි.
3. ගූග්ල් පොටෝ ෂෙයාර් කරගැනීමේ පහසුව
තැනකට අපි ගියොත් ඒ තැන අපේ පොටෝ අප්ලෝඩ් කරන්න හැකියාව ගූග්ල් මැප් හරහා අපිට ලැබෙනවා. පොටෝස් වලින් අපිට වෙනම පොටෝ ඇල්බම් හදලා තියාගන්නත් පුළුවන්. අපේ යාළුවන්ට ඊමේල් එකක් තියෙනවා නම් අපේ පොටෝ හරිම ලේසියෙන් එකිනෙකා අතර හුවමාරු කරගන්නත් පොටෝස් ඇල්බම් වලින් පුළුවන් වෙනවා.
4. පොටෝ වැඩිදියුණු කිරීමේ පහසුව
ගූග්ල් පොටෝස් හරහා පොටෝ ඇතුළත් කිරීමේදී සාමාන්‍ය මට්ටමේ පොටෝ වැඩිදියුණු කිරීමක් කරගන්නත් පුළුවන්. ඔයාල දන්න විදිහට ඉන්ස්ටග්‍රෑම් වලදි පුළුවන් පොටෝ වලට ෆිල්ටර් දාන්න. ඒ විදිහට ගූග්ල් වලත් ෆිල්ටර් දාලා, කලර් ටිකක් ගාණකට බැලන්ස් කරගන්න පුළුවන්. පොටෝ කපලා, හැඩ දමලා ගාණට පිළිවෙලට තියාගන්නත් මේ ගුග්ල් පොටෝ වලින් තල්ලුවක් ලැබුණා. හුදෙක් ස්ටෝරේජ් එකක පොටෝ දානවාට වඩා සිම්පල් එඩිටින් වැඩ කරගන්න පුළුවන් එක පොටෝස් වලට ලැබුණ වාසියක්. අපි සරලව හිතුවොත් අපි ෆෝන් එකෙන් පොටෝ ගත්තා නම්, ඉන් පස්සෙ ඒවා පොටෝස් හරහා ගූග්ල් වලට ගියාට පස්සෙ ලැප්ටොප් එකෙන් ලොග්වෙලා වුණත් අපේ පොටෝ සරළ මට්ටමින් එඩිට් කරගන්න පුළුවන් වෙනවා. එදිනෙදා නිතර පොටෝ ගහන, මතක සටහන් විදිහට වීඩියෝ තියාගන්න අයට ගූග්ල් පොටෝ වලින් ලබාදුන්න පහසුකම වටින එකක්. අවුරුදු අනුව වෙන්කරලා අපිට අවශ්‍ය නම් ඇල්බමුත් කරලා තියාගන්න පුළුවන් නිසා ගූග්ල් පොටෝ ජනප්‍රිය වුණා.
5. ඇන්ඩ්‍රොයිඩ් සහ පොටෝස්
ගූග්ල් පොටෝස් වල ආපු සුපිරි පහසුවක් තමයි ෆෝන් වලට සපෝට් කරපු එක. අද කාලේ හැම ෆෝන් එකේම වගේ කැමරා තියෙන නිසා ඒ කැමරා වලින් ගැනෙන වීඩියෝ සහ පොටෝ ෆෝන් වල එකතු වෙනවා. ඒ කියන්නේ අපි අතේ තිබුණ ඇන්ඩ්‍රොයිඩ් හෝ ඇපල් ෆෝන් එකේ තියෙන සියළුම පොටෝ කිසිම වගවිභාගයක් නැතුව කෙලින්ම ගූග්ල් වෙත අප්ලෝඩ් කරගන්න මේ නිසා පුළුවන් වුණා. පොටෝ වල රෙසලූෂන් අඩු කරලා අප්ලෝඩ් කරන පහසුව නිසා කිසි ගේමක් නැතුව පොටෝ ඔක්කොම වගේ ගූග්ල් පොටෝ වලට දාන්න පුළුවන්. ඒ විදිහට පොටෝ රෙසලූෂන් අඩු කරලා ගබඩා කිරීම ඇන්ඩ්‍රොයිඩ්, පික්සල්, නෙක්සස් එක්ක ආපු පහසුකමක් විදිහටත් කාලයකදී දැක්වුණා.
6. ගූග්ල් පොටෝස් (Google Photos) වලට සීමා එන්න හේතු
ගූග්ල් පොටෝ එකෙන් ට්වීට් කරලා තිබුණ විදිහට ගූග්ල් සමාගමට එක සතියකට පොටෝ බිලියන 28ක් ලැබෙනවා. ඔවුන් සතුව තිබෙන සමස්ථ පොටෝ ප්‍රමාණය පොටෝ ට්‍රිලියන 4කට වැඩියි. ඒ සමගම ගූග්ල් සමාගමට අනාගතයේදී තව තවත් ස්ටෝරේජ් පහසුකම් වැඩිදියුණු කරන්න ලොකු වියදමක් යනවා. ඒ එක්ක ෆොටෝස් සේවාව මුදල් ගෙවා පාවිචිචි කරන ප්‍රමාණය වැඩි කරන්න ඔවුන් දැනටම සැලසුම් සකස් කරලා තියෙනවා.
7. තවත් වෙනස්කම්
ගූග්ල් පොටෝ වලට මෙතක් කාලෙකට ඇඩ්ස් ආවේ නැහැ. ඒ කියන්නේ පොටෝ පාවිච්චියට ගනිද්දි වටෙන් පිටෙන් එහෙන් මෙහෙන් වෙළඳ දැන්වීම් ප්‍රචාරය වුණේ නෑ. ඒත් ඉස්සරහට ගූග්ල් සමාගම තමුන්ගේ නොමිලයේ දෙන පොටෝ අවකාශයට වෙළඳ දැන්වීම් ඇතුළත් කරන්නත් ඉඩ කඩ තියෙනවා. ඒ වගේම පොටෝ වල රෙසලූෂන් අඩු නොකර අප්ලෝඩ් කරන්න ඉඩ දීමෙන්, ගූග්ල් සමාගම ඉක්මනින්ම නොමිලේ දෙන අවකාශය පුරවන්න ක්‍රියා කරන බව කිසිම හැංගීමක් නැතුව ඔවුන්ගේ ගූග්ල් බ්ලොග් එකේ කියලා තියෙනවා.
ගූග්ල් පොටෝ වලට අය කරන්න ගැනීම නිසා ගූග්ල් එක්ක පොටෝ ගබඩා කර කර අවුරුදු තුනකට වඩා ඉන්න 80%ක් වන ගූග්ල් යූසර්ලාට ඉස්සරහට මුදල් ගෙවන්න වෙනවා. එහෙම නැතිනම් ඔවුන්ට පොටෝ ගබඩා කරගන්න වෙනමම අවකාශයන් පාවිච්චි කරන්නට වෙනවා. ඇපල් ස්ටෝරුව, ඇමසන් ප්‍රයිම් පොටෝ ගබඩාව වගේ සේවාවන් තුළින් මේ ගූග්ල් පොටෝ ගබඩා කිරීමේ වෙළඳපොලට යම් බලපෑමක් එල්ල වේවි. කොහොම වුණත් නොමිලේ ලබාදෙන සේවාවන් ආයතනයකට තවත් ලොකු අලාබයක් එකතු කරනවා නම්, ඒ සමාගම් ඒ සේවාවන් නවත්වන්න කටයුතු කිරීම අලුත් මැජික් එකක් නම් නෙමෙයි.
Leave a Reply