හැමදාම කන රයිස් එකට වෙනසක් : රටවල් කීපයක රසවත් රයිස් ​වර්ග හදාගනිමු!

ලංකාවෙ අපි ෆ්‍රයිඩ් රයිස් හෝ වෙනයම් බත් වර්ග හදාගන්නවා වගේ වෙනත් රටවල අය බත් හදන විදි වෙනස්. ඔවුනට ආවේණික රසවලින් හදනවා. ඒ විදියට එක එක රසට බත් වර්ග හදන හැටි කියලා දෙන්න තමා අද අපි ලෑස්ති වෙන්නෙ.

 

1. තුර්කි ක්‍රමයට  බත්

අවශ්‍ය ද්‍රව්‍ය 

 

  1. සම්බා හෝ බාස්මතී 1 kg
  2. 1 kg  පමණ කුකුළු මස්
  3. කරදමුංගු
  4. කරාබු නැටි
  5. කුරුඳු පොතු ස්වල්පයක්
  6. රම්​පේ

 

කරියට අවශ්‍ය ද්‍රව්‍ය

 

  1. තම්බාගත් මධ්‍යම ප්‍රමණයේ ඉස්සන් 500 g 
  2. ඉදුණු ලොකු තක්කාලි ගෙඩි 3 ක්
  3. ලියාගත් රතු ළූණු මේස හැඳි 2 ක්
  4. බටර් හෝ දුන්තෙල්
  5. පාන් පිටි ස්වල්පයක්
  6. මිරිස් කුඩු රස අනුව
  7. අබ පේස්ට් තේ හැන්දක්

 

  • කුකුල්මස් සෝදා තරමක කැබලිවලට කපා වතුර කෝප්ප 6 ක් සමඟ ලුණු, කරාබු නැටි, කරදමුංගු, කුරුඳු පොතු සහ රම්පෙ එකතු කර තම්බා ගන්න. 
  • එම තැම්බූ වතුර ගෙන කහ ස්වල්පයක් එකතු කර හාල් වලට දමා බත පිසගන්න.
  • තම්බා ගත් කුකුල්මස් කටු ඉවත් කර හෝ නොකර ගන්න. මස්වලට පිටි, මිරිස් කුඩු, අබ පේස්ට් සහ ලුණු තවරන්න. 
  • බටර් රත් කර තම්බා ගත් ඉස්සන් ස්වල්ප වේලාවක් බදින්න. පිටි තවරා ගත් මස් කැබලි ද එකතු කර බැදගන්න. 
  • ඉන්පසු කපා ගත් රතුළූණු දමා තක්කාලි එක්කර තරමක් බැදුණු පසු මෙයට වතුර මේස හැඳි 2 ක් පමණ එකතුකර රස අනුව ලුණු දමා ලිපෙන් බා ගන්න. 
  • පිසගත් බත් උඩින් මේ කරිය අතුරා පිළිගන්වන්න. 

 

2. මැලේසියන් බත්

අවශ්‍ය ද්‍රව්‍ය 

 

  1. බාස්මතී හාල් 1 kg
  2. වතුර කෝප්ප 4 ක්
  3. කල්කිරි කෝප්ප 1 ක්
  4. ගී හෝ බටර්
  5. පෙති කපා ගත් තක්කාලි 500 g
  6. කුරුඳු පොතු කෑල්ලක්
  7. කරාබු නැටි 4-5
  8. රම්පේ
  9. සේර
  10. කරපිංචා

(පහත ද්‍රව්‍ය සිහින්ව ගලේ අඹරා ගන්න)

  1. ලියාගත් රතුළූණු
  2. අමු ඉඟුරු කැබැල්ලක්සු
  3. දුළූණු බික් 4 ක්ම
  4. ​මහදුරු මේස හැඳි 1 ක්ක
  5. රාබු නැටි 3 ක්

 

  • සාස්පානකට ගී දමා රත් කර කුරුඳු පොතු, කරාබු නැටි, රතුළූණු, රම්පේ, සේර, කරපිංචා දමා තෙම්පරාදු කරගන්න.
  • ඉන්පසු වතුර සහ කිරි, අඹරා ගත් පහේ, තක්කාලි සහ රස අනුව ලුණු දාගන්න. මෙය උතුරන්නට හැර කලින් සෝදා වතුර බේරාගත් හාල් ද ඊට මිශ්‍ර කරන්න. භාජනයේ කට වසා මද ගින්නේ බත පිස ගන්න.

 

3. චීන බත්

අවශ්‍ය ද්‍රව්‍ය 

 

  1. ඇට නොඇලෙන ලෙස පිස ගත් බත් (හාල් 1kg ප්‍රමාණ​යක)
  2. බිත්තර 2
  3. ඉස්සෝ 500g
  4. කුකුල් මස් හෝ ඌරු මස් 500g
  5. තෙල්
  6. ඉඟුරු ස්වල්පයක්
  7. කොත්තමල්ලි කොළ ස්වල්පයක්
  8. ගම්මිරිස්කුඩු ස්වල්පයක්
  9. ලුණු
  10. රතුළූණු 100g
  11. සුදුළූණු බික් 4-5
  12. කැරට් අල 2
  13. ගෝවා ගෙඩි 1/2
  14. ලීක්ස් (කොළ කොටසින්) 
  15. මාමයිට් මේස හැඳි  2
  16. මිරිස් කුඩු

 

  • ප​ළමුව බත පිසගන්න. 
  • බිත්තර ලුණු ටිකක් දමා හොඳින් ගසාගෙන ඔම්ලට් සාදා තීරු කපා ගන්න. 
  • ළූණු සහ මාමයිට් ඉස්සන්ට මිශ්‍ර කරන්න. 
  • මස්වලට වතුර කෝප්ප 1 ක් දමා තම්බා ගන්න. 
  • එළවළු සිහින්ව කපා ගන්න. 
  • තෙල් ටිකක් ලිප තබා ඉඟුරු, සුදුළූණු දමා රන්වන් පාට වනතුරු බැද එයට ඉස්සන් සහ මස් දමා මදක් බැදෙන්න හැර එළවළු මිශ්‍ර කරන්න. ඉන්පසු බත් මිශ්‍ර කරන්න.
  • අවසානයේ ලුණු සහ ගම්මිරිස් මිශ්‍ර කර කොත්තමල්ලි  කොළ සහ බිත්තර තීරු මිශ්‍ර කරගන්න. 

 

4. තාවා පුලාව් (ඉන්දියන් රයිස්)

අවශ්‍ය ද්‍රව්‍ය

 

  1. බටර් මේස හැඳි 2
  2. ලියාගත් බී ළූණු ගෙඩි 2
  3. ඉඟුරු සුදුළූණු පේස්ට් මේස හැඳි 1 1/2
  4. කපාගත් බෙල්පෙපර් ගෙඩි 1
  5. චොප්කරගත් තක්කාලි ගෙඩි 4
  6. චොප්කරගත් කොත්තමල්ලි කොළ කප් 1/2
  7. ගරම් මසාලා තේ හැඳි 1
  8. ලුණු
  9. චොප්කරගත් අමුමිරිස් කරල් 2
  10. වතුර මේස හැඳි 1
  11. තම්බාගත් ග්‍රීන්පීස් කප් 1/2
  12. බැදගත් කජු ටිකක්
  13. තම්බා කොටු කපාගත් අල ගෙඩි 2
  14. පිසගත් බත් කෝප්ප 2

 

  • පෑන් එකට බටර් ටික දාලා දියකරලා ළූණු ටික දාලා තෙම්පරාදු කරගන්න.
  • ටිකකින් ඉඟුරු, සුදුළූණු පේස්ට් එක දාගන්න. ඊළඟට බෙල්පෙපර්, තක්කාලි හා කොත්තමල්ලි කොළ එකතු කර කලවම් කරගන්න. 
  • එයටම ගරම් මසාලා හා රස අනුව ලුණු එකතු කරගෙන චොප්කරගත් අමුමිරිස් ටික දාගන්න.
  • වතුර ටික දාලා හොඳට කලවම් කරගන්න. ටිකකින් කජු, ග්‍රීන්පීස් හා අල ටික දාලා බත් ටික දාලා හොඳට කලවම් කරගන්න.

 

5. සිංගප්පූරු රයිස්

අවශ්‍ය ද්‍රව්‍ය

 

පිසගත් බාස්මතී බත් කෝප්ප 2

 

චිකන් ග්‍රේවි එක සඳහා

 

  1. තෙල් ස්වල්පයක්
  2. කටු රහිත චිකන් ග්‍රෑම් 500
  3. ඉඟුරු සුදුළූණු පේස්ට් එක
  4. විනාකිරි මේස හැඳි 1
  5. සෝයාසෝස් මේස හැඳි 1
  6. ලුණු
  7. මිරිස්කුඩු මේස හැඳි 1/2
  8. ගම්මිරිස්කුඩු මේස හැඳි 1/2
  9. තක්කාලි සෝස් මේස හැඳි 1
  10. ​කෙචප් කෝප්ප 1/2
  11. වතුර මේස හැඳි 2

නූඩ්ල්ස් එකට

 

  1. තම්බාගත් නූඩ්ල්ස් කෝප්ප 1
  2. දික් අතට කපාගත් බෙල්පෙපර් ගෙඩි 1
  3. ග්‍රේට් කරගත් ගෝවා ගෙඩි 1/2
  4. ග්‍රේට්කරගත් කැරට් කෝප්ප 1
  5. චොප්කරගත් ඉඟුරු මේස හැඳි 1
  6. චොප්කරගත් ළූණු ගෙඩි 1
  7. සෝයාසෝස් මේස හැඳි 2
  8. ගම්මිරිස්කුඩු රස අනුව
  9. ලුණු
  10. මිරිස්කුඩු මේස හැඳි 1/2
  11. තල තෙල් මේස හැඳි 1/4
  12. චොප්කරගත් ළූණු කොළ කෝප්ප 1/2

මයෝ සෝස් එකට

 

  1. මයෝ​නේස් කෝප්ප 1/2
  2. ​කෙචප් කෝප්ප 1/3
  3. සෝස් මේස හැඳි 1
  4. ලුණු පින්ච් 1ක්
  5. ගම්මිරිස්කුඩු පින්ච් 1ක්

 

තෙම්පරාදුව සඳහා

 

  1. කපාගත් අමුමිරිස්
  2. කපාගත් ළූණු
  3. කෑලිමිරිස් ස්වල්පයක්

 

  • මුලින් චිකන් ග්‍රේවි එක හදාගමු. 
  • තෙල් ටිකක් රත්වෙන්න තියලා චිකන් ටික දාගන්න. ඉඟුරු සුදුළූණු පේස්ට් එක දාගන්න. චිකන් ටික බැදගන්න. 
  • ඊලඟට ඒකට විනාකිරි, සෝයාසෝස්, රස අනුව ලුණු, ගම්මිරිස්කුඩු, තක්කලි සෝස් හා ​කෙචප් ටික එක්ක වතුර මේස හැඳි 2ක් වගේ දාලා කලවම් කරලා චිකන් තැම්බිලා සෝස් එක ලාවට හිඳෙනකොට ලිපෙන් බාගන්න.
  • දැන් නූඩ්ල්ස් එක හදාගමු. ඒකට පෑන් එකට තෙල් ටිකක් දාලා රත්වෙනකොට ඉඟුරු,  කැරට්, බෙල්පෙපර්, ගෝවා, ළූණු ටික දාගෙන හොඳට කලවම් කරගන්න. 
  • ටිකකින් සෝයාසෝස්, ගම්මිරිස්කුඩු හා ලුණු රස අනුව, මිරිස්කුඩු ටික දාලා කලවම් කරලා තම්බාගත් නූඩ්ල්ස් ටික එක්ක ළූණු කොළ දාලා කලවම් කරගන්න. උඩින් තලතෙල් ටිකක් ඉසගන්න.
  • මයෝ​නේස් සෝස් එකට අවශ්‍ය ද්‍රව්‍ය ඔක්කොම එකට කලවම් කරල පැත්තකින් තියාගන්න.
  • දැන් රයිස් එක හදමු. ග්ලාස් ට්‍රේ එකකට බත් ටික දාලා ලෙවල් කරලා ඊලඟට නූඩ්ල්ස් ලේයර් එකක් දාගන්න. දැන් චිකන් ග්‍රේවි එක උඩින් දාලා, හදාගත්ත මයෝ සෝස් එක උඩින් වක්කරගන්න.
  • වෙනම පෑන් එකක් ලිපේ තියල තෙල් ටිකක් දාල රත්වෙනකොට තෙම්පරාදුවට කපාගත් අමුමිරිස් හා ළූණු දාලා කෑලිමිරිස් ටික දාගන්න. මේ ටික ෆ්‍රයි උනාම රයිස් එක උඩින් දාගෙන පිළිගන්වන්න.