රසටම හදාගන්න පුළුවන් හොට් ඇන්ඩ් කෝල්ඩ් කොෆී ඩ්‍රින්ක්ස් 5කට රෙසිපි

හොට්, කෝල්ඩ් මේ ඕන විදියකට කොෆී හදාගන්න පුළුවන් රසම රස කොෆී රෙසිපි ටිකක් ට්‍රයි කරමුද?… ගෙදරට වෙලා කම්මැලිකමේ ඉන්නකොට හදලා බලන්නකො. හැමදාම හදයි.

 

1. රෙගියුලර් අයිස්ඩ් කොෆී

අවශ්‍ය ද්‍රව්‍ය

 

1. ඉන්ස්ටන්ට් කොෆී පව්ඩර් තේ හැඳි 2 (උදා: නෙස්කැෆේ)
2. සීනි තේ හැඳි 2
3. කොකෝ පව්ඩර් තේ හැඳි 1
4. උණු වතුර මේස හැඳි 2
5. අයිස් කියුබ් 4-5
6. ශීතක​ළ කිරි කෝප්ප 1
7. කිරිපිටි මේස හැඳි 1

 

• මුලින්ම කොෆී පව්ඩර් වලට සීනි,  කොකෝ පව්ඩර් සහ වතුර දාලා කලවම් කරගන්න.
• දැන් බ්ලෙන්ඩර් එකට අයිස් කැට දාලා ඒකට කිරි ටික එකතු කරලා වෙනම පිටිකිරි හැන්දක් දාගෙන තප්පර 10ක් බ්ලෙන්ඩ් කරගන්න. දැන් මේකට කෝපි මිශ්‍රණය දාගෙන හොඳට බ්ලෙන්ඩ් කරගන්න.
• ග්ලාස් එකට දාගෙන කැමති නම් උඩින් චොක්ලට් සිරප් වක්කරගන්න. පිලිගන්වන්න කලින් උඩින් කොකෝ පව්ඩර් ටිකක් ඉහගන්න.

 

2. මසාලා කොෆී

අවශ්‍ය ද්‍රව්‍ය 

 

1. ෆ්‍රෙශ් මිල්ක් හෝ පිටි කිරි වලින් කිරි කෝප්ප 2
2. කොෆී පුරවල තේ හැඳි 2
3. සීනි තේ හැඳි 3
4. කරාබුනැටි 2-3
5. ස්ටාස් ​අනීස් 1
6. එනසාල් ඇට 3
7. කුරුඳු පොතු කෑල්ලක්

 

• කෝපි වලට වතුර ටිකක් දාලා ලිපේ තියල තම්බගන්න. මේකට කුළුබඩු ටිකත් එක්කරන්න. 
• කිරි ටික වෙනම භාජනයකට දාලා ලිපේ තියන්න. රත්වේගෙන එනකොට කෝපි මිශ්‍රණය දාලා හැඳිගාන්න.
• හොඳට හැඳි ගාලා, ලිපෙන් බාලා පෙරාගෙන සීනි දාගන්න.

 

3. අයිස් ක්‍රීම් කෝල්ඩ් කොෆී

අවශ්‍ය ද්‍රව්‍ය 

 

1. ඉන්ස්ටන්ට් කොෆී පව්ඩර් තේ හැඳි 2
2. සීනි තේ හැඳි 2
3. උණු වතුර මේස හැඳි 2
4. අයිස්ක්‍රීම් ස්කූප් 2
5. ශීතක​ළ කිරි කෝප්ප 1

 

• කෝපි, සීනි හා වතුර දමා මිශ්‍ර කරන්න. දැන් බ්ලෙන්ඩර් එකට අයිස්ක්‍රීම් දාලා ඒකට කිරි ටික හා කෝපි මිශ්‍රණය දාලා හොඳට බ්ලෙන්ඩ් කරන්න.
• ග්ලාස් එකකට චොකලට් සිරප් වත් කරල විනාඩි 5ක් ෆ්‍රීස් කරන්න. ඒකට කෝපි මිශ්‍රණ​ය දාගෙන උඩින් චොක්ලට් ටිකක් ග්‍රේට් කරගන්න.

 

4. කැපචිනෝ

අවශ්‍ය ද්‍රව්‍ය 

 

1. ඉන්ස්ටන්ට් කොෆී පව්ඩර් මේස හැඳි 2
2. සීනි මේස හැඳි 4
3. කිරි කෝප්ප 2

 

• කෝප්පයක් අරගෙන කෝපි ටික දාගන්න. දැන් මේකට සීනි ටිකත් එකතු කරන්න. ඒ දෙක හොඳට කලවම් කරලා කිරි වලින් ටිකක් දාගෙන උකුවට හොඳට කලවම් කරගන්න.
• මේක විනාඩි 10ක්වත් හොඳට ක්‍රීමි වෙනකල් බීට් කරගන්න ඕනෙ. 
• දැන් මේක වෙනම මග් එකට දාලා යන්තම් උණුකරගත් ඉතුරු කිරි ටික වෙනම බීට් කරගන්න.
• බීට් කරගත්ත කිරි ස​හ කෝපි මග් එකට කලවම් කරන් හැන්ඳෙන් හොඳට ගසමින් කළවම් ක​ර උඩින් කොකෝ පව්ඩර් ටිකක් ඉහගන්න.

 

5. ඔරියෝ කෝල්ඩ් කොෆී

අවශ්‍ය ද්‍රව්‍ය 

 

1. අයිස්කැට 4-5
2. ශීතක​ළ කිරි කෝප්ප 1
3. ඉන්ස්ටන්ට් කොෆී තේ හැඳි 2
4. සීනි තේ හැඳි 2
5. උණුවතුර මේස හැඳි 2
6. කෑලි කැඩූ ඔරියෝ බිස්කට් 4ක්
7. කුඩු කරගත් ඔරියෝ බිස්කට් 2ක් (උඩින් ඉහින්න)

 

• කෝපි, සීනි, උණුවතුර එකට මිශ්‍ර කරගන්න.
• කෝපි මිශ්‍රණය, අයිස් කැට සහ කිරි එක්ක කෑලි කැඩූ ඔරියෝ දමා හොඳට බ්ලෙන්ඩ් කර ග්ලාස් එකට වක්කරන්න.
• අන්තිමට උඩින් කුඩු කරගත් ඔරියෝ දාගන්න.