2018 වසරේදී අපෙන් සමුගත් ශ්‍රී ලාංකික කලාකරුවන්

අවුරුද්දත් ගෙවිලා යන්න ආසන්නයි. අවුරුද්ද සැණින් ගෙවිලා ගියා කියල දැනුනට, අවුරුද්දක කාලය ඇතුළේ ඔබේ අපේ ජීවිත මොන තරම් වෙනස් වෙලා ඇතිද? මොනතරම් දේවල් මේ ගෙවීගිය අවුරුද්දක කාලය ඇතුළත අපිට ලැබිල ඇතිද සහ අහිමි වෙලා ඇතිද?

මේ කියන්න යන්නේ අහිමිවීම් ගැන කතාවක්… 2018 අවුරුද්දෙදි අපෙන් සමුගත්ත අපේ ශ්‍රී ලාංකික කලාකරුවන් ගැනයි මේ ඔබේ මතකයට නගන්න හදන්නෙ.

 

1. ලෙස්ටර් ජේම්ස් පීරිස්

Image Source – imdb.com

සිංහල සිනමාව ජාත්‍යන්තරයේ සලකුණු කරන්නට පුරෝගාමී වූ අපේ මහා සිනමාකරු ආචාර්ය ලෙස්ටර් ජේම්ස් පීරිස් මහතා මේ අවුරුද්දේ අප්‍රේල් 29 වැනි දා මොලොවින් සමුගත්තා. මිය යන විට එතුමාගේ වයස 99ක්.

 

2. රොනී ලීච්

Image Source – srilankamirror.com

ගායනයෙන් සහ රංගනයෙන් සුවහසක් ශ්‍රී ලාංකික රසික සිත් සැනසූ රොනී ලීච් නම් විනෝදකාමී කලාකරුවාගේ සමුගැනීමත් සනිටුහන් වුණේ මේ වසරේදීයි. මේ වසරේ ඔක්තෝම්බර් 1 වැනිදා ඕස්ට්‍රේලියාවේ පර්ත් නුවරදී ඇතිවූ හෘදයාබාධයකින් මිය යන විට ඔහු 65 වන වියේ පසුවුණා.

 

3. රත්නාවලී කැකුණවෙල

Image Source – yamu.lk

මුවන්පැලැස්සේ මැණිකේ නමින් ලාංකීය රසික රසිකාවියන් අතර ප්‍රසිද්ධ වුණු රත්නාවලී කැකුණවෙල මහත්මියගේ අභාවයද මේ වසරේ අසන්න ලැබුණු දුක්බර පුවතක්. මේ වසරේ අප්‍රේල් 7 වැනිදා අභාවප්‍රාප්ත වන විට ඇය 87 වන වියේ පසුවුණා.

 

4. අමරා රණතුංග

Image Source – newsfirst.lk

මෙරට සංගීත ක්ෂේත්‍රයේ පළමු මහාචාර්යවරිය, ප්‍රවීණ සංගීතවේදී දයාරත්න රණතුංගයන්ගේ ප්‍රිය බිරිඳ වූ අමරා රණතුංග කලාකාරිණිය පසුගිය ඔක්තෝම්බර් 15 වැනිදා අපෙන් සමුගත්තා. මිය යන විට ඇගේ වයස 79ක්.

 

5. අයිවෝ ඩෙනිස්

Image Source – srilankamirror.com

ස්වකීය හඬ පෞර්ෂයෙන් සුවහසක් ශ්‍රී ලාංකිකයින්ගේ දෙසවන් සැනසූ සංගීතඥ අයිවෝර් ඩෙනිස් ද මේ වසරේ අපෙන් සමුගත්තා. මේ වසරේ ජුනි 18 අභාවප්‍රාප්ත වන විට ඔහුගේ වයස අවුරුදු 86ක්.

 

6. රෝයි ද සිල්වා

Image Source – srilankamirror.com

ශ්‍රී ලාංකික සිනමාව සිය හාස්‍යමය චිත්‍රපට වලින් රසවත් කළ ප්‍රවීණ රංගන ශිල්පී සහ අධ්‍යක්ෂක රෝයි ද සිල්වා කලාකරුවාත් මේ වසරේ සිය සමුගැන්ම සටහන් කළා. මේ වසරේ ජුනි 30 වැනිදා අභාවයට පත්වන විට ඒ මහතා 80 වැනි වියේ පසුවුණා.

 

7. ඉන්ද්‍රජිත් නාවින්න

Image Source – adaderana.lk

ප්‍රවීණ රංගන ශිල්පී ඉන්ද්‍රජිත් නාවින්න මහතා මේ වසරේ අගෝස්තු 8 වැනිදා මෙලොවින් සමුගත්තා. දිගු කලක් අසනීප තත්ත්වයෙන් පසුවූ ඒ මහතා මිය යන විට 70 වෙනි වියේ පසුවුණා.

 

8. ඉන්දික ගිනිගේ

Image Source – srilankamirror.com

ජනප්‍රිය රංගන ශිල්පී ඉන්දික ගිනිගේ ගේ අකල් මරණයද මේ අවුරුද්දේදි අසන්නට ලැබුණු දුක්බර පුවතක්. ඖෂධ අධි මාත්‍රාවක් ශරීරගත වීම නිසා පසුගිය ජූලි 24 වැනිදා මෙලොවින් සමුගන්නා විට ඔහුගේ වයස අවුරුදු 37ක්.

 

9. සෝමවීර සේනානායක

Image Source – fragmenteyes.blogspot.com

ජනප්‍රිය ටෙලිනාට්‍ය රැසකටම තිර රචනයෙන් ආලෝකය සැපයූ  ප්‍රවීණ ලේඛක සෝමවීර සේනානායක මහතාත් මේ වසරේදී අපෙන් සමුගත්තා. ජූනි 9 වැනිදා කොළඹ පෞද්ගලික රෝහලකදී අභාවප්‍රාප්ත වන විට ඒ මහතා 73 වැනි වියේ පසුවුණා.

 

10. ප්‍රියානි ජයසිංහ

Image Source – srilankamirror.com

“කඳුළ නිවන්නම් සිත නොරිදනවා නම්” ගීය හරහා ශ්‍රී ලංකාවේ අතිශය ජනප්‍රියත්වයට පත් ප්‍රියානි ජයසිංහ ගායන ශිල්පිනිය මේ වසරේ ජුලි 8 වැනිදා ඝාතනයට ලක්වුණා. ඒ වන විට ඇගේ වයස අවුරුදු 52ක්.

 

11. සුනිල් ප්‍රේමකුමාර

Image Source – youtube.com

චිත්‍රපට සහ ටෙලි නාට්‍ය රැසකට රංගනයෙන් දායකත්වය දුන්න සුනිල් ප්‍රේමකුමාර රංගන ශිල්පියාද පසුගිය ඔක්තෝම්බර් 02 වැනිදා මෙලොවින් සමුගත්තා. රෝගී තත්ත්වයකට ප්‍රතිකාර ගන්නා අතරතුර කොළඹ ජාතික රෝහලේදී මිය යන විට ඔහු 62 හැවිරිදියි.

 

12. ඇරැව්වල නන්දිමිත්‍ර

Image Source – srilankamirror.com

ප්‍රවීණ සාහිත්‍යධර ඇරැව්වල නන්දිමිත්‍ර මහතාගේ කෘති සිනමාවට සහ ටෙලි නාට්‍ය වලටද පාදක කොටගෙන තිබෙනවා. 78 වන වියේ සිටියදී මේ වසරේ මාර්තු 4 වැනිදා ඒ මහතා අපෙන් වියෝවුණා.

 

13. සරත් මධූ

Image Source – srilankamirror.com

ඉතිං ඊට පස්සේ කතාව හරහා ශ්‍රී ලාංකික චිත්‍රකතා ක්ෂේත්‍රයේ අතිශය ජනාදරයට පත් බලංගොඩ සරත් මධූ කලා ශිල්පියාද මේ වසරේදී අපි අතරින් සමුගත්තා. අගෝස්තු 17 වැනිදා සමුගන්නා විට ඒ මහතාගේ වයස අවුරුදු 69ක්

 

14. හේම නලින් කරුණාරත්න

Image Source – srilankamirror.com

නමයයි පහ හරහා ශ්‍රී ලාංකික රසික ප්‍රජාව අතර ජනප්‍රිය වුණු හේම නලින් කරුණාරත්න මහතාගේ අභාවයත් මේ වසරේදී සිදුවූ බලවත් අහිමිවීමක්. 2018 ජුනි 5 වැනි දින සිදුවූ ඒ මහතාගේ මරණයට හේතු වුණේ හිසේ නහරක් පිපිරීමයි. මිය යන විට එතුමා 55 හැවිරිදියි.

 

15. එඩ්නා සුගතපාල

Image Source – fragmenteyes.blogspot.com

ප්‍රවීණ සිනමා සහ ටෙලිනාට්‍ය නිළි එඩ්නා සුගතපාල මහත්මියගේ අභාවය සිදුවුණෙත් මේ වසරේදීයි. රෝගී තත්ත්වයකට කොළඹ පෞද්ගලික රෝහලක ප්‍රතිකාර ගනිමින් සිටියදී මාර්තු 17 වැනිදා ඇය අභාවප්‍රාප්ත වුණා. මිය යන විට ඇය 72 හැවිරිදියි.

 

16. ඒ. ඊ මනෝහර්

Image Source – deccanchronicle.com

සුරංගනීට මාළු ගෙනාවා ගීතයෙන් රසික හදවත් දිනාගත් ජනප්‍රිය ගායන සහ රංගන ශිල්පී ඒ.ඊ මනෝහර් මහතා මේ වසරේ ජනවාරි 22 වැනිදා මෙලොවින් සමුගත්තා. ඉන්දියාවේ චෙන්නයිහී රෝහලකදී අභාවප්‍රාප්ත වන විට එතුමා 73 වන වියේ පසුවුණා.

 

17. ප්‍රියන්ත ප්‍රනාන්දු

Image Source – adaderana.lk

ජනප්‍රිය ගායක ප්‍රියන්ත ප්‍රනාන්දු මහතා මේ වසරේ මැයි 1 වැනිදා අභාවප්‍රාප්ත වුණා. ජනප්‍රිය ගායක සී. ටී ප්‍රනාන්දු මහාතාගේ පුත්‍රයා වූ ඒ මහතා මිය යන විට 65 හැවිරිදියි.

 

18. තිස්ස ගුණවර්ධන

Image Source – newsfirst.lk

ප්‍රවීණ නාට්‍යවේදියෙකු මෙන්ම මූර්ති ශිල්පියෙකු වූ තිස්ස ගුණවර්ධන මහතාත් මේ වසරේ අපෙන් සමුගත්ත කලාකරුවන්ගේ ලැයිස්තුවට එකතු වුණා. මේ වසරේ ජූලි 22 වැනිදා මෙලොවින් සමුගන්නා විට ඒ මහතාගේ වයස අවුරුදු 85ක්.

 

19. ඩබ්ලිව්. ප්‍රේමරත්න

Image Source – srilankamirror.com

“මිහිලියගේ රූ සපුව පුරා” ආදී ජනප්‍රිය ගීත ගායනා කළ ඩබ්ලිව්. ප්‍රේමරත්න ගායන ශිල්පියාද මේ වසරේදී අපෙන් සමුගත්තා. අගෝස්තු 8 වැනිදා මිය යන විට ප්‍රේමරත්න මහතාගේ වයස අවුරුදු 75ක්.

 

20. තුෂානි ද සිල්වා

Image Source – rajagossip.com

29 හැවිරිදි තරුණ රංගන ශිල්පිණියක් වූ තුෂානි ද සිල්වා පවුලේ අය සමග ගිය විනෝද චාරිකාවක් අතරතුරදී කැළණි ගඟේ ගිලීමෙන් මරණයට පත්වුණා. අප්‍රේල් 16 වැනිදා මිය යන විට ඇය 29 වැනි වියේ පසුවුණා.

 

21. ලොයිඩ් ගුණවර්ධන

Image Source – sinhala.srilankamirror.com

දශක ගණනාවක් පුරා සිනමාව සහ ටෙලිනාට්‍ය හරහා කලා ක්ෂේත්‍රයට සම්බන්ධ වූ ලොයිඩ් ගුණවර්ධන රංගන ශිල්පියාත් මේ වසරේදී අපෙන් සමුගත්තා. හදිසි අනතුරකින් තුවාල ලබා ප්‍රතිකාර ලබාගන්නා අතරතුරදීයි ඒ මහතා මියගියේ. මිය යන විට ගුණවර්ධන මහතා 55 වියේ පසුවුණා.

 

22. උපාලි කන්නංගර

Image Source – etthawitthi.com

ප්‍රවීණ ගායන ශිල්පියෙක් මෙන්ම වාදන ශිල්පියෙක් වුණු උපාලි කන්නංගර මහතා පසුගිය දෙසැම්බර් 12 වැනිදා අපෙන් සමුගත්තා. කොළඹ පෞද්ගලික රෝහලකදී අභාවප්‍රාප්ත වන විට ඒ මහතාගේ වයස අවුරුදු 67ක්.

 

මේ ලැයිස්තුවෙන් අපිට මගහැරී ඇති යම් කලාකරුවෙක් වේ නම් ඒ ගැන අපිව දැනුවත් කරන මෙනුත් අපි අපේ පාඨකයන්ගෙන් ඉල්ලා සිටිනවා

Leave a Reply

Your email address will not be published.