හිතට කික් එකක් දැනෙන්න කියවන්න පුළුවන් නියමම සිංහල පොත් 7ක්

sinhala books for a leisurely read

ගද් කෘතියක් සාමාන්යයෙන් කෙටිකතාව නවකතාව, රචකයාගෙ ප්රසිද්ධ අප්රසිද්ධ බව, වල්ද? නැද්ද?, සම්මාන ලත් නොලත්බව, බරසාරබව හෝ මල්බව වගේ දේවල්වලින් වර්ග කෙරෙනව. අපිත් පොඩි වර්ගවාදී පොත් ලැයිස්තුවක් හදන්නයි හදන්නෙ. මේ ලැයිස්තුවෙ තියෙන්නෙ ලල් එකේ කියවගෙන යන්න පුළුවන් පොත්. මහ ලොකුවට දත්ත මතක තියාගන්න ඕන නෑ. එහෙම කියලා කතාවෙ රසය බිඳෙන්නෙත් නෑ. කතාව පුස්සකුත් නෙමෙයි. ‌අපි මේ කියන ආතල් පොත් හිනාවෙන්නම ලියපුවා නෙමෙයි, නොස්ටැල්ජියාවෙ පාවෙන්න හරියන සමහරපොත්, හීන ලෝකවල තියෙන සමහර පොත්, වෙරි මරගාතෙ ලිවුව සමහර පොත්, හිතන දේ නොවෙන පොත්, උපහාසයම දනවන පොත්, වලත්තයි කියලා සමාජ සම්මත කරන පොත් වගේ පොත්වල එකතුවක් තමයි මේ ලැයිස්තුවට දාන්නෙ.

 

 

1. සිරිසේන තෙපානිස් සමඟ වැඩිහිටියන්ගේ කතා – ඩබ්ලියු. ජයසිරි

sinhala books for a leisurely read

Source – search.lib.ou.ac.lk

ඩබ්ලියු. ජයසිරි කියන්නෙ නළුවෙක්. වේදිකාව, චිත්රපට සහ ටෙලිවිෂනය කියන මාධ් තුනේම වැඩ පෙන්නපු නළුවෙක්. ජයසිරිට කතා ලියන්න පුළුවන්. කතා අතරෙ තියෙනසිරිසේන තෙපානිස් සමඟ වැඩිහිටියන්ගේ කතාකියන කෙටි කතා පොත නියමෙටම ආතල් එකේ කියවන්න පුළුවන් පොතක්. වඩා සැනසිල්ලෙ කියවන්න පුළුවන් කාරණා මහා බරක් නැතුව ලියල තියෙන නිසා මේ පොත කියවිල්ල කිසි මහන්සියක් නැතුව කරන්න පුළුවන්. එහෙමයි කියල ඒකෙ දුක නැත්තෙ නෑ. දුක, සතුට වගේම ලිංගිකත්වයවගේ කාරණාත් පිරුණු පොතක්. ඒවගේම මේ ඉතිං ලල් එකේ කියවන්න පුළුවන් පොත් අතරෙ ඉහළින්ම තියෙන පොතක්. මේ කාලෙ කතා බහ වෙන ඇතැම් රස්තියාදු කතාවලට වඩා සමහරුන්ගෙ හිත රිද්දවන්න පුළුවන් කෙටි කතාත් මේකෙ තියෙනවා.

 

2. මුහුදුබත් වූ සේලරුවෙකුගේ කතාවක් – ගබ්රියෙල් ගාසියා මාකේස්

sinhala books for a leisurely read

Source – facebook.com

අපි සාමාන්යයෙන් මහ මුහුදෙ අතරමංවෙන නාවිකයො ගැන කියවලා තියෙන කතා කොහොමද ඉවර වෙන්නෙ? මහ මුහුදෙ අතරමං වෙනව, කන්න දෙයක් නෑ, කොටයක් බදං ඉන්නව, දූපතකට යනව, දූපතේ මිනී කන ගෝත්රිකයො ඉන්නව, උන්ගෙන් බේරිලා දූපතේ තියෙන වස්තුව අරං නැවකට අත වනලා ගෙදර එනවා. හැබැයි මේ පොත ආකෘතිය ඇතුළෙ ඉඳගෙනම කතා කනපිට ගහනවා. නියම ලල් එකේ කියවන්න පුළුවන් පොතක්. කියවද්දි පුදුම හිතෙන්නත් පුළුවන්. මොකද මේ කතාවෙ ඔබ කාලයක් තිස්සෙ කියවපු දේවල් මාර උපහාසයකින් අයින්කරලා තියෙනවා. පියල් ජයරත්න පරිවර්තනයක් විදියට එන කතාව මුලින්ම ලිවුව රචකයා වන ගබ්රියෙල් ගාසියා මාකේස් කියන්නෙ විදිහෙ වෙනස්කම් නිතර නිතර සිද්ධ කරපු මනුස්සයෙක්.

 

3. නරලොව හොල්මන් – චන්ද් අනගිරත්න

sinhala books for a leisurely read

Source – facebook.com

ආයෙ අමුතුවෙන් කියන්න ඕන නෑ චන්ද් අනගිරත්න ගැන නං. කළු කඩ මුදලාලියෙක් ගැන පොතේ එක කතාවක කියන්නෙ, දියවැඩියා රෝගීන්ගෙ මූත්රා එකතු කරලා සීනි පෙරාගන්න ඉස්පිරිතාලෙ ගාවට බෝතලයක් අරන් යනව කියලයි. ඒ තරමෙ දියුණු කරපු දැක්මක් එක්ක හාස් රසයක් තියෙන පොතක්. අනෙක මේ නරලොව හොල්මන් පොත් 4 කියවද්දි තවත් බොහෝ දේ දැනගන්න පුළුවන්. හාස්යයෙන්ම පිරිලා ඉන්න අතරෙ තියෙන යටි පෙළ කතාවත් ඉබේම ඔලුවට වදින්න ලියපු නියම රචනා ශෛලියක් මේ පොත් ඇතුළෙන් ග්රහණය කරගන්න පුළුවන්.

 

4. ජෑම් ගස යට ගෙදර – කාල් මලර්

sinhala books for a leisurely read

Source – goodreads.com

කාල් මලර් කියන්නෙ ලංකාවෙ බර්ගර් ජාතිකයෙක්. ඔහු ලියපු ජෑම් ගස යට ගෙදර’ කියන්නෙ පුදුම රසයකින් යුක්ත පොතක්. කාලෙ වටපිටාව ගැන නියම චිත්රයකුත් ඔලුවෙ මැවෙනවා. කාලෙ මිනිස්සු කාපු බීපු හැටි ගැන දැකලා පුදුම හිතෙන්නත් පුළුවන්. ආගම් ගැන, පවුල් අතරේ ගනුදෙනු ගැන කියවලා පුංචි හිත් තැලෙන්නත් පුළුවන්. කොහොමවුනත් නියම රසයකින්, කම්මැලිකමක් නැතුව, බරසාර දේ හිතටගන්න නැතුව, ෆුල් කික් එකේ කියවන්න පුළුවන් පොතක්.

 

5. චයිනමන් – ෂෙහාන් කරුණාතිලක

sinhala books for a leisurely read

Source – diogenes.lk

ෂෙහාන් කරුණාතිලක ලියන ඉංග්රීසි පොතත්, දිලීප අබේසේකර කරන සිංහල අනුවාදයත් එක වගේ රහයි. බේබදුකම, ජීවිතය සහ ක්රිකට් ගැන තමයි ඔලුවට එන්නෙ. කතාව නියමෙට පෙළගස්වලා තියෙනවා. අරක්කු ටිකක් බොන මිනිහෙකුගෙ මත්වීමේ අරමුණ සහ මත්වෙන ස්වභාවය නියමෙටම අල්ලලා තියෙනවා. ක්රිකට් ගැන නොදන්නා දේ දැනගන්නත් පුළුවන්. වගේම සමාජයේ කතාබහට ලක්වෙන අබිරහස් ගැන හීන් යටිපෙළකුත් යන නිසා කුතුහලයත් හිතේ තියාගෙන ෆුල් කික් එකේ කියවලා දාන්න පුළුවන් පොතක්.

 

6. මඩොල් දූව – මාටින් වික්රමසිංහ

sinhala books for a leisurely read

Source – facebook.com

කතාව පරණයි. ලිවුවෙ ලංකාවට ලියන්නො කියල ඉන්න අය අතරෙ ඉහළින්ම තියන්න පුළුවන් චරිතයක් වෙන මාටින් වික්රමසිංහ. මේ පොත පොඩි එවුන් ඉඳන් ලොකු එවුන් වෙනකං තියෙන ගැටීම් සහ වයස වැඩි වෙනවත් එක්ක මිනිස්සුන්ගෙ සිතුම් පැතුම් වෙනස් වෙන විදි වගේ හැම දේ ගැනම කතාවෙන පොතක්. හැබැයි විදිහ කියලා කිසිම බරසාර බවක් ගෑවිලාවත් නෑ. නිසා මේ වගේ ෆුල් කික් එකේ කියවන්න පුළුවන් පොත් ගැන කතා කරද්දි මේක සඳහන් නොකරත් බෑ. ‌කොල්ලො ටිකක් හොර කල්ලියක් හදාගෙන ගෙවල් බිඳින හැටි, වැදි සෙල්ලමේ ගිහින් මුවෙක් කියලා හිතලා කෙල්ලෙකුට දුන්නෙන් විදින හැටි, ඇණියේ රාලගේ බත්මුලේ තිබ්බ පොල් සම්බෝලයි මාළුයි එක්ක දැනුණු රස ආයෙ ආයෙ මතක් කරවන කතාවක්.

 

7. තැපැල් කන්තෝරුව – චාල්ස් බුකොවුස්කි

sinhala books for a leisurely read

Source – bukowskiquotes.com

චාල්ස් බුකොවුස්කි කියන්නෙත් නිදහසේ කියවන්න පුළුවන් අමු ලියවිල්ලකින් ලියන ඇමරිකානු ලේඛකයෙක්. හෙන්රි චයිනාස්කි කියන්නෙ ඔහුම ඔහුව හඳුන්වගන්න නාමයක් නිසාත්, කාලයක් ඔහු සැබෑවටම රැකියාවේ නියැලුණු තැපැල් සේවය ගැන තියෙන නිසාත් මේක ඔහුගේ අත්දැකීම් ඇසුරින් ලියවුන එකක් කියලත් කියන්න පුළුවන්. පරිවර්තනය ශ්රීනි අබේගුණරත්නගෙන්. දවසම බොන, ගැහැණුන් හා නිදිවදින්නට දත කන පිරිමියෙක් විදියට ඇත්ත ජීවිතේ වගේම පොතේ කතාවෙත් හඳුන්වන්න පුළුවන්. කොහොම වුනත් නියම උදාහරණ එක්ක හාස්යයක් නොගෑවුණු තැන්වලත් හාස් මතුකරවන්න පුළුවන් අමුතුම හැකියාවක් තියෙන ලියන්නෙකුගේ මෙහෙම කික් කතාවක් කියවන්නෙ නැති එකත් පාපයක්.

Cover Image Source – Lifie Graphics