ශරීරය ටිකක් මහත යුවතියක්ව කෙට්ටු කර පෙන්වන විලාසිතා

කෙට්ටු කෙල්ලො, මහත කෙල්ලො, කෙට්ටුත් නැති මහතත් නැති රෙඩිමේඩ් සයිස් කෙල්ලො වගේ නානාප්‍රකාර කෙල්ලන් ඉන්නවනෙ. හැබැයි ඉතින් කඩේකට ඇඳුමක් ගන්න ගියාම ඔහොම වර්ග වලට වෙන් කරල නෑ. එකම ඩිසයින් එකේ එකම ස්ටයිල් එකේ ස්මෝල් ඉඳන් එක්ස්ට්‍රා ලාජ් වෙනකම් තමා ඇඳුම් තියෙන්නෙ. ඒත් මේ හැම ස්ටයිල් එකම හැම කෙනාටම එකම විදියට ගැලපෙන්නෙ නෑනෙ. අද අපි මේ කියන්න හදන්නෙ ප්ලස් සයිස් එහෙමත් නැත්නම් මහත චබී කෙල්ලන්ට මහත පොඩ්ඩක් අඩු කරල පේන්න වගේම මහතට ගැලපෙන්න අඳින්න ඕන කොහොමද කියල ටිප්ස් ටිකක්.

1. ඩෙනිමක් අඳිනවා නම් ජැකට් එකක් අඳින්න

Source – pinterest.co.uk

දැන් ඉතින් කෙල්ලෝ අඳින තරමක් අඳින්නේ ඩෙනිම්. ගිනි ගහන රස්නෙ කාලෙක වගේ නැතුව සාමාන්‍ය දවසක ඩෙනිමක් එක්ක තද පාට ජැකට් එකක් අඳින්න. කළු, තද නිල් වගේ පාටකින් ශරීරයේ උඩ කොටසේ මහත පෙනුම කපා හරිනව. ජැකට් එකක් දාගෙන බොත්තම් දාන්න නම් යන්න එපා ඒකේ.

2. සමේ වර්ණයට ගැලපෙන සපත්තු පාවිච්චි කරන්න

Source – shoesofprey.com

ගවුමක් සායක් අඳිනවා නම් කකුල් පේනවා. අනික මනුස්සයෙක් දිහා බලපු ගමන් අවධානය යන්නේ කකුල් දෙකට කියලත් මතයක් තියෙනවා. එහෙම නම් කකුලේ හරියේ තියෙන පාටට බොහොම සමාන පාටින් සපත්තු තෝරාගන්න. උදාහරණයක් විදියට ළා දුඹුරු සමක් තියෙනවා නම් තද දුඹුරු සපත්තු නොදා ළා පාටම තෝරාගන්න.

3. දිගු ඉරි ඇති ඇඳුම්වලට අවධානය දෙන්න

Source – dresslily.com

පළල් පෙනුම අඩු කරල උස ගතියක් පෙන්නනව සිරස් අතට ඇඳපු ඉරි තියෙන පැටර්න් එකක ටොප් එකක් අඳින එකෙන්. හරස් අතට තියෙන ඉරිවලින් වෙන්නේ ඕකේ අනික් පැත්ත. අන්න ඒ නිසා පැත්ත මාරු කරගන්න එපා. තවත් වැදගත් දෙයක් තමයි මේ ඉරිවල ස්වාභාවය. සිහින් දිගු ඉරි තියන ඇඳුම් විතරක් පාවිච්චි කරන්න.

හරස් ඉරි සහිත ඇඳුම් අඳිනවා නම් ඔබේ ශරීර ස්වභාවය ගැන අවබෝධ කරගන්න. ඉනෙන් උඩ කොටස පළලින් අඩු, උරහිස් පොඩි, පපුව පොඩි කෙනෙක්ට උඩු කයට හරස් ඉරි තියෙන ඇඳුම් අඳින එකෙන් ශරීරයේ පෙනුම සමබර කරගන්න පුළුවන්.

4. යටඇඳුම් කතාව

Source – divascurves.com

බාහිර පෙනුම යටඇඳුම අඳින පළඳින විදියෙන් සම්පූර්ණයෙන් වෙනස් වෙන්න පුළුවන්. කෙට්ටු එක්කෙනෙක් මහත් වෙලා පෙන්නන්න පුළුවන්. මහත කෙනෙක්ගෙ මහත තව වැඩි කරල පෙන්වන්න වගේම මහත පෙනුම කපා හරින්නත් යට ඇඳුම් වලින් පුළුවන්. එල්ලා වැටෙන පමණට වඩා ලොකු බ්‍රා අඳින්න එපා. පපුව වගේම පිට පෙදෙසින් හොඳින් වැසෙන විදියේ බ්‍රා එකක් පාවිච්චි කරන්න. ඒ වගේම ඇදෙනසුළු වෙන්නත් ඕනි. මීට අමතරව දැන් සෑහෙන උනන්දුවක් තියනවා Shape wear පාවිච්චි කරන්න. ඇඟේ හැඩේ එතනින් ම හදලා ඉවරයි. නිකන් උඩින් ඇඟලුමක් දාගන්න විතරයි තියෙන්නේ. “Shapewears in Sri Lanka” කියලා ගූගල් දෙයියන්ට කිව්වම ඕනෑ තරම් ලින්කු එනවා. ඊට අමතරව ඕනෑම සුපිරි රෙදි සාප්පුවකින් ගන්නත් පුළුවන්.

5. හයි වේස්ට් ජීන්ස් අඳින්න

Source – 2020ave.com

දැන් කොහොමත් මේක තමයි ට්‍රෙන්ඩ් එක. වෙනදට අඳින ඩෙනිමට වඩා අඟලක් දෙකක් උසින් අඳින්න පුළුවන් විදියට මහපු ඩෙනිම් වෙළඳපොළේ හැමතැනම. බඩ ප්‍රදේශය වැහෙන නිසා එහෙන් මෙහෙන් බඩ නෙරල පේන එක මේ විලාසිතාවෙන් වැහිල යනව. මහත අයට විතරක් නෙවෙයි, කෙට්ටු උනත් බඩ පොඩ්ඩක් වැඩි කෙනෙක්ටත් මේ හයිවේයිස්ට් ජීන්ස් හොඳින් ගැලපෙනව.

6. කළු අඳින්න

Source – missguidedau.com

අපේ ඇස් අඳුරු දේවල් දකින්නේ කුඩාවට. ඒක දෘෂ්ටිමය මායාවක්. මේ මායාවෙන් මහත පෙනුමක් තියෙන අයට ප්‍රයෝජනයක් ගන්න පුළුවන්. නිතරම කළුවට හුරු තද පාටවල් අඳින්න.

7. හීනි බෙල්ට් පටි පාවිච්චි කරන්න

Source – pinterest.com

දැන් කලිසම්වලට විතරක් නෙවේ. ගවුම්වලටත් මැදින් බෙල්ට් කෑලි එනවනේ. අන්න ඒ වෙලාවට තඩි බෙල්ට් පාවිච්චි නොකර සිහින් පටියක් තියෙන ඒවා භාවිත කරන්න. මහත බෙල්ට් එකක් පාවිච්චි කරාම වැඩි මහතක් එකතු වෙනව වගේම ශරීරය කොට කරල පෙන්වන එකෙන් මහත බව වැඩි වෙනව.

8. පාට ගැලපීම, කලිසම් කකුල් සහ බැගී ඇඳුම්

Source – vintagedancer.com

බෙල් බොටම් ටයිප් කලිසම් වහාම භාවිතයෙන් අයින් කරන්න. ස්ලිම් ෆිට් පෑන්ට්ස් සහ ඩෙනිම් අඳින්න. ඒ වගේම පමණට වඩා එල්ලා වැටෙන ලූස් ඇඳුම් වලින් මහත හංගනවයි කියල හිතුවට ඒකෙන් වෙන්නෙ නැති මහතක් එකතු කරන එක.

සම්පූර්ණ ඇඟම එක වගේ මහත නම් තනි පාට ඇඳුම් වලට වැඩි තැනක් දෙන්න. උඩ කොටස මහත කකුල් මහතින් අඩු කෙනෙක් නම් ලා පාට කලිසම් සහ සාය වලට තද පාට ටීශර්ට් සහ බ්ලවුස් තෝරගන්න. උඩු කොටස පළලින් අඩු කකුල් මහත කෙනෙක් නම් තද පාට කලිසම් සහ සාය වලට ලා පාට බ්ලවුස් සහ ටී ශර්ට්ස් අඳින්න. පුංචි මල්, කොටු වගේ ප්‍රින්ට්ස් තියෙන ඇඳුම් අඳින්න. ලොකු ප්‍රින්ට්ස් තියෙන ඇඳුම් වලින් මහත වැඩි කරල පෙන්වනව.

Cover Image Source – www.greatist.com