එක එක අයට ගැලපෙන තෑගි මොනවද..?

How to pick a gift for various ages

සාදයකට යද්දි අපි තෑගි අරගෙන යනවා. හැම සාදෙටම යද්දි එකම තෑගි අරගෙන යන බොහොමයක් ඉන්න හන්ද අපි කල්පනා කළා එක එක අයට වෙනස් විදිහට තෑගි තෝරගන්නෙ කොහොමද කියලා ඔබව දැනුවත් කරන්න.

 

1. බබාලට

How to pick a gift for various ages

Source – amazon.com

පලවෙනි උපන්දිනේ සමරන හුරතල් පුංචි එකෙක්ට “හැපි බර්ත්ඩේ” කියලා ගහපු ලොකු සමරු මොකටද..? ටිකක් හිතුවොත් හොඳ තෑගි හිතන්න ඔබට පුලුවන්. එකක් තමයි ලොකු රූප තියෙන පොත් සෙට් එකක් ගෙනිහින් දෙන්න ඔබට පුලුවන්. ඒ විතරක් නෙමෙයි ගැලපෙන විදිහට සෙල්ලම් බඩුවක් ගෙනිහින් දෙන්නත් ඔබට ඕනනම් පුලුවන්. සමීපම නෑදෑයෙක්නම් බබා වෙනුවෙන් ඉතුරු කරන්න ඉතුරු කිරීමේ ගිණුමක් ආරම්භ කරලා පාස් පොත තෑග්ගක් විදිහට දුන්නත් වටිනවනේ.

 

2. ළමයින්ට

How to pick a gift for various ages

Source – goldenherebooks.com

ළමයින් කියල අදහස් කලේ ගැටවර වියට නොඑලඹුණු පොඩි එවුන් ටික. ඔය හත, අට පන්තියට යනකන් එහෙම ඉන්නෙ. අන්න ඒ අය. ඇත්තටම මේ අය වෙනුවෙන් තෑග්ගක් විදිහට අපට පුලුවන් ඉස්කෝලෙ වැඩට උපකාර වෙන පොත් ටිකක් ගෙනිහින් දෙන්න. ඕනනම් හොඳ බුක් ශොප් එකකින් වවුචර් එකක් ගෙනිහින් දුන්නත් නරක නෑ. එතකොට ඒ අයට ඒ අය කැමති දෙයක් ගන්න පුලුවන්නේ.කොහොම උනත් මේ කාලෙට ගෙනිහින් දෙන්න ඕන පොත පතක් තමයි.

 

3. යෞවණයන්ට

How to pick a gift for various ages

Source – pocket-lint.com/ manofmany.com

යොවුන් කාලය කියන්නෙ ඉතින් ගෑණු ළමයෙක්ගෙනම් ලස්සන ගැන එහෙම අවධානය යොමු වෙන කාලය. පිරිමි ළමයි මේ කාලෙ අවධානය දෙන්නෙ ගැජට් පැත්තට නේ. ඒ හන්ද තෑගි ගන්න අය ඒ පැත්තවල් ගැන හිතනවනම් හොඳයි. ගෑණු ළමයෙක්ට නම් ඇඳුම් පැලඳුම් පැත්තෙන් දෙයක් දෙන්න පුලුවන්නම්, පිරිමි ළමයෙක්නම් තාක්ශණික පැත්තෙන් වටින දෙයක් දෙන්න පුලුවන්නම් ඇත්තටම ඒක ඒ අයට වටීවි.

 

4. මැදිවියේ උදවියට

How to pick a gift for various ages

Source – flavorwire.wordpress.com

මේක තමයි අමාරුම දේ. මේ අයට ප්‍රශ්න වැඩියි. වගකීම් වැඩියි. ඒ හන්ද මේ අය තෘප්තිමත් කරන තෑග්ගක් එක පාරට හිතාගන්න අමාරුයි. කොහොම නමුත් පිරිමි කෙනෙක්නම් ඇඳුමක් දුන්නොත් සතුටු වේවි. මේ වයසෙ ගෑණු කෙනෙක් සතුටු කරන්නත් ඇඳුම් වලට වඩා දෙයක් අපේ මතකෙට නැගෙන්නෙනම් නෑ. හොඳ නවකතා පොතක් දුන්නත් මේ දෙපාර්ශවය අකමැති වෙන එකක් නෑ.

 

5. වැඩිහිටි උදවියට

How to pick a gift for various ages

Source – blogspot.com

වයසට යද්දි ගොඩාක් දෙනා ආගමට බර වෙනවා. ඒ හන්ද ඒ පැත්තෙන් බලලා තෑග්ගක් දෙන්න පුලුවන්නම් ඒක වටීවි. ආගමට සම්බන්ධ පොත් කිහිපයක් දුන්නොත් ඔවුන් සතුටු වේවි. සාදයේ හිමිකරු බෞද්ධ අයෙක්නම්  සුදු සාරියක්, සුදු සරමක් දුන්නොත් ඒක පිනකුත් වෙනවා.පොත් තෝරද්දි, තෑගි තෝරද්දි ඔබ තෑගි දෙන කෙනා ඇත්තටම ආගමට නැඹුරුද කියලා බලන්න. නැත්නම් ඔබ දෙන තෑග්ගෙ අගයක් නැතුව යනවා.

 

6. ආදරවන්තයාට / ආදරවන්තියට

How to pick a gift for various ages

Source – mshanken.com

මේ අයට තෑග්ගක් දෙද්දි ඉතින් තමන්ගෙ ආදරේ පේන්න තියෙනම් හොඳයි නේද..? ඔහු හෝ ඇය ආස කරන දෙයක් ඔවුන් වෙනුවෙන් ගන්න අමතක කරන්න එපා. ඒ ගන්න දේ ඒ අය කැමති පාටින්, කැමති විදිහට ගන්න. එතකොට එයාට දැනෙනවා එයා ගැන ඔයා තේරුම් අරගෙන බව. ඒ විතරක් නෙමෙයි. දෙන තෑග්ග ලස්සනට සරසලා දෙන්නත් අමතක කරන්න එපා. ඔබේ පිලිවෙල ඇයට හෝ ඔහුට පිළිබිඹු කරන එක දෙයක් තමයි තෑග්ග කියන්නේ.

 

7. සරණක් සොයන අයට

How to pick a gift for various ages

Source – southasianinstitute.harverd.edu

සමහර වෙලාවට අපි අපේ උපන්දිනේට එහෙම වැඩිහිටි නිවාස වල, ළමා නිවාස වල ඉන්න අයට විවිධ තෑගි භෝග අරන් යනවා. එහෙම අරන් යද්දී ඔවුන්ට අතිශයෙන්ම උවමනා දේවල් මොනවද කියලා හොයලා බලලා අරගෙන යන්න. යන්න කලින් ඒ ඒ තැන් වලට දුරකථන ඇමතුමක් දීල ඒ අයට තියෙන අඩුපාඩු මොනවද කියලා හොයලා බලලා අන්න ඒ දේවල් අරගෙන යන්න පුලුවන්නම් ගොඩක් හොඳයි. ළමා නිවාසෙකට යද්දී ඉතින් පාසල් උපකරණ අරගෙන යන්න පුලුවන්නම් හොඳයි. වැඩිහිටි නිවාසෙකට යද්දී ඔවුන්ට අවශ්‍ය විවිධ ආගමික පොත්පත් වගේ දෙයක් අරගෙන යන්න පුලුවන්නම් ඔවුන් කැමති වේවි ඒකට. දෙන දේ ලස්සනට පිළිවෙලට දෙන්නත් අමතක කරන්න එපා.

ඉතින් ඔය විදිහට තමයි එක එක අයට එක එක තෑගි තෝරන ආකාරය ගැන කියන්න වෙන්නේ.ඉතින් ඔබේ දැනුමට මේ ලිපියෙන් යමක් එකතු වුණානම් අනිත් අයටත් බලන්න Share කරන්න අමතක කරන්න එපා.

 
Cover Image Source – writeapp.me / weddingaffair.co.in / huffpost.com
 

Leave a Reply

Your email address will not be published.