ලෝක ප්‍රකට මුහුදු මංකොල්ලකාරයින් 7ක්

World Famous Pirates

මුහුදු මංකොල්ලකාරයෝ කිවුවම අපට මතක් වෙන්නේ කාටූන් වල ඉන්න එක ඇහැක් වහගත්තු, ලොකු බූට් සපත්තු දාගෙන ඉන්න කෙනෙක් නේ. ඒත් ඇත්ත මුහුදු මංකොල්ලකාරයො එහෙමද..? මේ ලිපිය කියවලා ඔබට ඒක දැනගන්න පුලුවන් වේවි. මේ ලිපිය ලෝකයේ හිටපු ප්‍රකටම මුහුදු මංකොල්ලකාරයින් ගැනයි.

 

1. විලියම් කිඩ් (William Kidd)

World Famous Pirates

Source – time.com

1645 ඉපදෙන විලියම් කිඩ් ස්කොට්ලන්ත ජාතික නාවිකයෙක්. නිව්යෝක් නගරය මූලික කරගෙන තමයි ඔහු ජීවත් වුණේ. මුලින් සාමාන්‍ය නාවිකයෙකු වුණු ඔහු පසුව මුහුදු මංකොල්ලකාරයෙක් බවට පත් වන්නේ ඉන්දියානු සාගරයට ඔහුගේ ආගමනයත් සමගයි. කිඩ් ගේ ප්‍රධානතම ඉලක්කය වූයේ පෙරදිග ඉන්දියා වෙළඳ සමාගමට අයත් නැවු කියලයි කියවෙන්නේ. ඒවයින් ඔහු රැස් කරගත් ඔහුගේ වත්කම ගාඩිනර් දූපතේ සැඟවූ බව කියවෙනවා. කොහොම උනත් 1701 දී ඔහු සිරභාරයට අරගෙන, එංගලන්තයේදී මරණ දඬුවම ඔහුට ලබා දුන්නා.

 

2. චින්ග් ශිහ් (Ching Shih)

World Famous Pirates

Source – hypable.com

චීන ජාතික කාන්තාවක් වන ඇය මුහුදු මංකොල්ලකාර කාන්තාවන් අතලොස්ස අතර ඉදිරියෙන්ම ඉන්නා තැනැත්තියක්. ඇය මුහුදු මංකොල්ලකාරියක් වන්නට කලින් ලෝකයේ පරණම වෘත්තියේ නියැලුණා කියලයි කියවෙන්නේ. කොහොම උනත් එයින් ලබාගත්තු පරිචය නිසාදෝ නැවු 1500ක පිරිමි 80,000කට අධික ප්‍රමාණයක් ඇය තමන් විසින්ම අපූරුවට පාලනය කලාලු. චීන නැවු ම තමයි ඇගේ ඉලක්කය බවට පත් වෙලා තියෙන්නෙ. ඊට අමතරව මුහුද ආශ්‍රිත නගර මංකොල්ලකෑම්, නැවු ගිලාබැස්සවීම් වගේ අපරාධත් ඇය අතින් වුණා කියලයි කියවෙන්නේ. කොහොම උනත් 1785 ඉපදුණු ඇය 1844 ස්වාභාවික ලෙස මියයනවා.

 

3. සර් ෆ්‍රැන්සිස් ඩ්‍රේක් (Sir Francis Drake)

World Famous Pirates

Source – biography.com

ලෝකයේ ජනප්‍රියම මුහුදු මංකොල්ලකරුවෙක් වන මොහු ඉංග්‍රීසි ජාතිකයෙක්. ජනප්‍රියම වගේම දක්ෂම නාවිකයෙක් කියල හැඳින්වුවත් වරදක් නැහැ. ඔහු අතින් බොහෝ දුරට විනාශ වුණේ ස්පාඤ්ඤ නැවු බවයි කියවෙන්නේ. ඒ වගේම ස්පාඤ්ඤ නගර මංකොල්ලකෑම් ඔහුගේ මංකොල්ලකෑම් අතර ඉහළින්ම රැඳෙනවා. ඒ වගේම ලෝකය වටේ ප්‍රථමයෙන්ම ගිය ඉංග්‍රීසි ජාතිකයා යන ගෞරවයත් ඔහුට හිමියි. 1540 ඉපදුණු ඔහු පැනමාවේදී 1596 දී මිය යනවා.

 

4. කැලිකෝ ජැක් (Calico Jack)

World Famous Pirates

Source – twitter.com

කැලිකෝ ජැක් කියන අන්වර්ත නාමයෙන් හැඳින්වුවත් ඔහුගේ ඇත්ත නම ජෝන් රැකම් කියලයි කියවෙන්නේ. ඔහු ප්‍රකට වෙන්නේ බහමාස් රටේ නාසෝ වරායේ තිබුණු යුද බලය සහිත නැවක් බලෙන් පැහැර ගැනීම හේතුවෙන්. ජැක් ගේ බිරිඳ වූ ඈන් බොනීත් මුහුදු කොල්ලකාරියක්. ඇයට අමතරව මේරි රීඩ් නම් තවත් මුහුදු කොල්ලකාරියකුත් ජැක්ගේ මුහුදු කොල්ලකෑම් වලට සහය දීල තියනවා. 1682 ඉපදෙන ජැක් 1720 දී, තරුණ වයසේදීම මිය යනවා.

 

5. බාබරෝසා සහෝදරයෝ (The Barbarossa Brothers)

World Famous Pirates

Source – magnoliabox.com

බාබරෝසා සහෝදරයන් කියන්නේ උතුරු අප්‍රිකානු මුහුද ආශ්‍රිතව යහමින් මංකොල්ලකෑමේ යෙදුණු යුගලයක්. බාබරෝසා යන්නෙහි තේරුම ඉතාලි බසින් “රතු රැවුල” බවයි කියන්නේ. මේ දෙන්නටත් තිබිලා තියෙන්නෙ රතු රැවුල් හන්දා මේ යුගලයට මේ නම වැටෙන්න ඇති. සොහොයුරන් දෙන්නගේ නම් වලින් කිවුවොත් ඔරුජ් සහ කිස්ර්. විශේෂයෙන්ම මධ්‍යධරණී මුහුද හරහා යන යුරෝපියානු නැවු තමයි මොවුන්ගේ ඉලක්කයට ලක් වුණේ. පසු කලෙකදී ඔරුජ් අත්අඩංගුවට ගැනෙනවා. කිස්ර් නම් ඉන්පසුව වැඩි වැඩියෙන් මංකොල්ලකෑම් වල සහ සටන් වල නියැලුණු බව සඳහන්.

 

6. සර් හෙන්රි මෝගන් (Sir Henry Morgan)

World Famous Pirates

Source – biography.com

1600 ගණන් වල කැරිබියන් දූපත් භීෂණයට පත් කරපු මංකොල්ලකාරයෙක් තමයි මේ. මෙයත් ස්පාඤ්ඤය යටතේ පාලනය වන නැවු සමාගම් වල නැවු වලට ප්‍රහාර එල්ල කරපු , ඒ වගේම ස්පාඤ්ඤය යටතේ පාලනය වන ප්‍රදේශ වලට පහර දීපු කෙනෙක්. වේල්ස් ජාතිකයෙක්. පැනමා නගරය ඔහු විසින් පසුව අල්ලා ගනු ලැබුවේ නැවු තිහක් සහ මිනිසුන් 1200ක් ද සමගයි. එය ඔහුගේ ප්‍රධානම ජයග්‍රහණයක් ලෙස සැලකෙනවා.

 

7. එඩ්වර්ඩ් ටීච් (Edward Teach)

World Famous Pirates

Source – devientart.com

Blackbeard කියන අන්වර්ත නාමයෙන් හැඳින්වෙන මොහු ලෝක ඉතිහාසයේ සිටි හොඳම මංකොල්ලකාරයෙක් ලෙසයි හැඳින්වෙන්නේ. නැවු හතරක් සහ 400ක් පමණ මිනිස්සු ඔහු විසින් පාලනය කල අතර ඔහු ඒ සුලු පිරිස මෙහෙයවලා HMS “Scarborough” කියන ප්‍රකට යුධ නැවට පහර දීල පරාජය කලා කියලත් කතාවක් තියනවා. අවුරුදු 16 ක ගෑණු ළමයෙක් තමයි ඔහුගේ විවාහක භාර්යාව බවට පත් වුණේ. ඉංග්‍රීසි ජාතිකයෙක් වුණු ඔහුගේ මරණය සිදු වුණේ එංගලන්ත රාජකීය නාවික හමුදාව අතිනුයි.

 
Cover Image Source – theblaze.com / plejmo.com / theverge.com
 

Leave a Reply

Your email address will not be published. Required fields are marked *